Marathi Bhasha Poem | मराठी - माझ्या आत्माचे स्वप्न

Marathi Bhasha Poem | मराठी – माझ्या आत्माचे स्वप्न

Marathi language, Mother tongue poem, Emotional Marathi poetry, Marathi culture and heritage, Importance of mother language.

श्लोकातील मातृभाषेसाठी स्तुती

Marathi Bhasha Poem | मराठी – माझ्या आत्माचे स्वप्न

“मराठी – माझ्या आत्माचे स्वप्न”

हे मराठी, माझ्यासाठी तू नदीचे गाणे
आवडते मला तुझे हृदयातून वाहणे.
तुझे शब्द जणू वसंतातील फुलांचा बहर,
त्यांनी आणलेल्या सुगंधी आठवांचा कहर.
संस्कृतीचा पाळणा तू, मंदिर अभिमानाचे,
तुझ्या मिठीत राहावे हे स्वप्न या आत्माचे.

तुझे शब्द जणू पावसात नाचणारे मोर,
आनंदाचे संगीत तू, वेदनांवर शीरजोर.
वारकऱ्यांच्या संत गीतांतून तू कुजबुजते,
ज्वलंत श्लोकांनी तू स्वातंत्र्यास पूर्ण भरते
हसू आणि अश्रूंनी विणलेली तू सागरवेणी,
हजारो वर्षांचा गर्जनांची जशी तू प्रतिध्वनी.

शांत करणारी राग तू, उभारी देणारी उब तू,
सह्याद्रीच्या डोंगरदरीत वाऱ्यासंग घुमतेस तू.
शूर योध्यांचे शौर्य अन जुन्या पुराण्या दंतकथा,
तुझे प्रत्येक “अक्षर” उलगडते रहस्यमयी कथा.
भले असो दूर मी, तू माझा दीपगृह चमकणारा,
भरकटलेल्या मनासाठी तूच मार्गदर्शक तारा.

प्रत्येक भरल्या श्वासाने घेईन तुझी काळजी मी,
तू माझ्या शांततेत रहा, जेंव्हा भेटेन मृत्यूला मी.
एक शाश्वत बंधन, शोधण्याच्या पलीकडचा,
आरसा तू माझ्या, आत्म्याच्या प्रतिबिंबाचा.
हे माय मराठी, माझी आई तूच माझे संगीत,
सदैव गुंजत राहील, माझ्या हृदयात तुझे गीत.

. ➥ संतोष भरणुके