Love Poem in Marathi | Kavita Marathi

Kavita Marathi Love Poem In Marathi | Marathi Short Poems |

Kavita Marathi : Eka Nadichya Kathavar

एका नदीच्या काठावर

एका नदीच्या काठावर, मासे करतात नृत्य जिथे,
एक प्रियकर पाहतो वाट, ज्याचे हृदय पाण्या मध्ये.
या लाल गुलमोहराच्या, दाट गडद छाये खाली,
पाहिली प्रेमाची स्वप्ने, ये आता वेळ खूप झाली

हा संथ नदीचा प्रवाह, जसा एक रेशमी धागा,
प्रतिबिंबित होते सारे, असो कितीही मोठी जागा.
त्या एक-एक लहरी, मोजत बसलो खाली,
जाता सूर्य अस्ताला, जणू वेळ स्थिर झाली.

सावल्यांच्या नृत्यात, बघ पक्षी लागले उडू
लुप्त होणार्‍या उजेडात, आशाही लागली झडू,
सळसळणाऱ्या पानांत, चाहूल वाटे मज तुझी,
प्रत्येक क्षण आनंदाचा, होऊ लागला कमी,

वाहणारा गार वारा, नदीची ही सौम्य धारा,
कुजबुज करी कमी, ढाळणाऱ्या सूर्याचा पारा.
शांतता राग तिचा, नव्याने आळवू लागली.
प्रेमाची विणलेली स्वप्ने, धूसर होऊ लागली.

या लाल गुलमोहराच्या, दाट गडद छाये खाली,
पाहिली प्रेमाची स्वप्ने, ये आता वेळ खूप झाली ||